الثلاثاء، 2 مايو 2023

أغنيه يتيم الأب

 أغنيه يتيم الأب

الاغنيه مسجله مصنفات فنية
كلمات أدهم العوضى
أدهم عبده مجلى
★★★★★
موال
وهان عليك يا زمانى. تاخد عزيز غالى
ضيعت منى امانى. بدلت لى حالى
كترت ليه دمعتى. فرحت عزالى
طفيت لى اه شمعتى. ورمتنى م العالى
صبحت بعده يتيم. لا عمى ولا خالى
★*★*★*★
الاغنيه
راح الحبيب الغالى. وسابنى وحدانى
ما ليا غير ربنا. عمره ما ينسانى
يارب عن فرقته. عوضني وارحمنى
وكن لى انت السند. للى هيظلمنى
الرحمه يا الله. قوينى اعيش بالآه
عمرى فى يوم ما أنساه سيرته على لسانى
ما ليا غيرك يا رب. عوضنى يتم الأب
هافضل ضعيف القلب. وانا جرحى بكانى
★*★*★*★
ابويا راح منى. قدرى ومكتوبى
يا اللى انتوا ظالمنى. وقفلتوا لى دروبى
ابويا كان مالى الحياه بهجه وامان
وكان بيمسح أى آه جابها الزمان
الرحمه يا الله. قوينى أعيش بالآه
عمرى فى يوم ما أنساه سيرته على لسانى
ما ليا غيرك يا رب. عوضني يتم الأب
هافضل ضعيف القلب و أنا جرحى بكانى
★*★*★*★
يا اللى الدموع من كترها
نشفت فى عينى بعد منك
وانت حياتك عشتها
عشان فى يوم ما ابعدش عنك
مكتوب علينا البعاد والفرقه والاوجاع
مستنى يا ابا الميعاد وزمانى منى ضاع
الرحمه يا الله قوينى أعيش بالآه
عمرى فى يوم ما أنساه سيرته على لسانى
ما ليا غيرك يا رب. عوضنى يتم الأب
هافضل ضعيف القلب وأنا جرحى بكانى
★*★*★*★
أدهم عبده مجلى
(أدهم العوضى)
كل التفاعلات:
ارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...