((( علامة استفهام ؟ )))

 ((( علامة استفهام ؟ )))

الليل حبيس

فكر وأحاسيس

بتصحيني

يا نهار ٠٠يا حصار

أحزان ومرار

بيشجيني

ٱه يا وطن!!

دين ف العناق

ومانيش عاق

وحروف تصرخ ف الخلا

تاهت ف وسط المفترق

بتعاني الغرق

حلم إتسرق

ونار تنهش ف الضلوع

تايه مفزوع

جوايا غربه مش رجوع

وبحور دموع

وعيوني وسط الدربكه

كارهه البكا

شايفه الحياه

متفبركه

ولساني عاشق

للكلام

والقضيه مني ضاعت

والسلام

********

وإيه لزمتي

أصرخ ترجع صرختي

عايش كيف صدا

مشتاق لضل الفضفضه

ٱه يا وطن!!

بيني وبينك

ميت جدار

معرفشي ليه ؟

والمسأله دي معضله

والحلول متعقده

ف عقول الناس

يا ميزان حساس ؟

أوزنها وعرف كل الناس

أنا مين ؟

أنا إيه ؟

وأنا عايش ليه ؟

وتعرفني

أنا ليه بقيت بالشكل ده؟

انا ليه بقيت بالشكل ده؟

***********

الشاعر محمد علي فرغلى احمد

معلم خبير بمدرسة أبوتيج الصناعيه العسكريه بنين

عرض الرؤى

معدل وصول المنشور: ٤٧

كل التفاعلات:

٣Ahmad Hamada، وEsteer Hanna وشخص آخر