الثلاثاء، 2 مايو 2023

قصة الموت

 قصة الموت

عمر ماقصة اتكررت
زي قصة الموت اللي ديما بتتكرر
وهو لابينهد ولا بيتعب
في كل لحظة وف.كل ثانية
وديما في أبطال جداد
لأن اللي بيموت مرة
عمره مارجع علشان يموت مرة ومرة
وهي قصة أحداثها صادقة
ومعانيها واضحة
وبرغم تكرارها
إلا أنها ديما بتسيب أثر
بفعل قسوتها ومرارها
وكل واحد لسه عايش
سبق إنه ماتله قريب
من أهله أومن جيرانه أو من أصدقاؤه
وبيظل للموت أسراره
لأن اللي مات راح كلامه وانتهت أفكاره
ولا يقدر يحكلنا عن اللي جراله
بالرغم إنه بقى شايف كل حاجة
بس ميقدرش يعمل أي حاجة
الموت علينا حق
جملة اتولدت معانا
وإن كانت أكتر جملة بنسهى عنها
وبننساها مع إننا كل يوم بنقرب منها
وف.كل مرة بيحصل موت
بيصيبنا الحزن
وبندعي لبطل القصة بالرحمة وبالجنة
ونتاخد بمشاهد الغسل والدفن والتابوت
لكن برضه بنرجع لدنيتنا بسرعة
علشان نقدر نكمل اللي باقي من حياتنا
أصل الحياة والموت بإيد اللي خلقنا
صاحب العزة والملكوت...
أسامه عبد القادر أحمد
كل التفاعلات:
Osama Abdelkader وارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...