(جمعية براغيت الست) شاعر العامية/عبد المنعم حمدي رضوان

 (جمعية براغيت الست)

نحن

جمعية براغيت الست

وهدفها نخلي الرجالة

لا تهش ولا تنش

تنضم الينا ايتها مزه

كموزه متصابيه صبغ

الشعر وفرده الوش

وبلاهم رجاله بلا لازمه

وعنطزه فارغة كل

راجل في جحره يخش

رجاله ولا لهم تلاتين

لازمه أمر ونهي

ووجع قلب أرمي وحش

وشعارنا كل راجل

خاين نسونجي وعيونه

زايغه ولابد يغش

ولاعايزين نسمع

صوت راجل يشخط

أوينطر أو يأمر بلا وش

كل قرد يلزم جباليته

وكل راجل عامل

فيها أسد هنقوله كش

ولاعايزين راجل يعمل

فيها راجل عايزين

رجاله خرعه وقش

زمن سي السيد ولى

والكلمة بكلمة يا أمينة

ان اتكلم اديله دش

قانون الأسرة في

صالحنا هنربيه ونأدبه

ونوريه أسؤ وش

زمان الستات جاي

وقادم وزمن الرجاله

بقى ماضى كده وش

شاعر العامية/عبد المنعم حمدي رضوان

عرض الرؤى

معدل وصول المنشور: ٥

كل التفاعلات:

١١