وخدانا ... يابلد .... لفين *******************

 وخدانا ... يابلد .... لفين

*******************

الشعب م الظلم والغلا باكى

لله وحده بس شاكى

يابلد أخريتها أيه وياكى

لأمتى الظلم لينا هيسوق

كل منقول الحال هيروق

بنصرخ م الظلم بصمت بهدوء

الحرامى فيكى بيعلى لفوق

والتقى بيلف حوالين خاذوق

الفقير معدش بيه أحساس

بجزمتك عليه بينداس

ببص تملى حواليا

بلاقى ليكى ناس وناس

يابلد الفهم ليكى تاه

الحياه فيكى مش حياه

اللى شرب من نيلك

هرب منك ونساه

أزاى بس ليكى يعود

وأنتى تملى بتوعدى

وتملى بتخلفى الوعود

كل اللى أتولد فيكى يابلد

بندم أنه بيكى أتولد

حاسس أنه أثيم

مش لاقى بيكى شئ سليم

م الصحة للتعليم

بنضيع من عمرنا كتير

م الوقوف ف الطوابير

وخدانا يابلد لفين

امتى نحس أننا بنى آدمين

*******************

بقلم

عادل جاد

كل التفاعلات:

٤عادل جاد و٣ أشخاص آخرين