العين والرمش

 العين والرمش

كنت فاكر إني قادر

علي العيون والرمش

كنت فاكر إني

محطم قلوب العذاري

وإن عيونهم مبتنمش

كنت فاكر إن حواء

بوش واحد

طلعت بسبعين وش

طلعت وشوشهم كتيرة

ومتكحله بالغش

اه منك ياحواء

واه من العين والرمش

طيب متريح دماغك

وابعد ياعم عنهم

قولت بصراحة مقدرش

هي العيشه تبقي عيشه

من غير حواء

حتي لو عيوني مبتنمش

احبك. ياحواء

واحب العيون والرمش

واللي يقول غير كده

يبقي اكيد ميفهمش

والحياه من غيرك ياحواء

والله متسوي قرش

دول مصابيح البيوت

ومن غيرهم

بيوت ضلمه وش

اشتقت لنظرة عيونك

ومعاها غمزة رمش

يا أم العيون السود

ومتكحله بالرمش

بقلم

احمد محمود

من ديوان سكة العاشقين

عرض الرؤى

معدل وصول المنشور: ١٣

كل التفاعلات:

١ارق ملاك