السبت، 22 أبريل 2023

حتة من قلبي

 حتة من قلبي

انا من هنا
وحبيبتي من قنا
من نجع حمادي
مين وداني عندها
طب مين اللي جمع قلبنا
حكاية مرت عليها
اكتر من تلاتين سنة
حكاية بدأت بكلمتين
بعدها بنظرة عين
ومش اي عين
بصيت فيهم
لقيت نفسي جوه
نن العين
قلبي انسرق مني
واتخطفت
وتوهنا احنا الأتنين
طيب و بعدين
في ما بينا حاجز
قالت
هاكسره يانور العين
وأعلنت علي الملاء
حبنا احنا الأتنين
وبدأت علينا الحرب
وبخدعة ذكية وكدابة
اتلموا عليها الديابة
هاتموتي يانن العين
وهبشوا. قلوبنا احنا الأتنين
قطعونا وفرقونا
ما يعرفوش
إن حبنا كان ساكن
جوه القلب والعين
ومرت سنين طويلة
واتقابلنا احنا الأتنين
ياواحد
الصمت كان تالتنا وبعدها
ضمني يانور العين
بشوق الدنيا وحشتيني
بحب الدنيا مشتاق لك
بعشق الدنيا بندهلك
سمعتيني يا نن العين
سمعت بقلبي من جوه
سمعت بنبضي ومين هوا
غيرك انت يانور العين
ساكن قلبي وكمان تمليك
وبدعي ربي ليلاتي
يوم واحد اكون فيه ليك
وانا من هنا وحبيبتي من قنا
بقلم
احمد محمود
من ديوان حبة رتوش
قد تكون صورة بالأبيض والأسود لـ ‏شخص واحد‏
كل التفاعلات:
١

ليست هناك تعليقات:

إرسال تعليق

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...