////////*+*+لمحنة سافرات+*+*////////
وامال ديك لمحنة سافرات
تلفو ليها دوك الطرقان
ودموع من العين وشحال نزلات
وا فينك يا هذا الانسان
والرحمة هربت دارت جناح
والقلب زادوه محنة عدبوه
عايش مكسور عايش اجراح
هذا وداك ناسي احبابو
هذا العادة صبحت ذخيلة
وا كل واحد ساد بابو
والاسرة منها اعليلة
مالهم نساو ديك ليام الزينة
دنيا ياحبابي غذارة
وا كل واحد عايش ف روينة
والخطوة في وهم ضرارة
سكة زمان ياك كانت دوازة
واليوم فيها ما يكفيها
مالها ف عزلة حوازة
والله وحدو عالم بيها
لحباب طرقو بابهم كاملين
وا ماريحهم الخناس ابليس
وا انساو الرحمة من فين
ياك ف وذانهم ارفيق وجليس
بقلم صقر الحروف الزجال المحجوب بوسبولة
ليست هناك تعليقات:
إرسال تعليق