ليه تفتش في عيوب الناس
و عيوبك عالملأ منشوره
ربك ستير العيوب
ليه تفضح حاجه مستوره
تتابع خطاوي الناس
متخيل انك بلا عيوب
و مش محطوط في الصوره
زي ما تفتش على غيرك
أفعالك كلها منظوره
مش قادر تبطل تنظير
و متخيل الناس بك مبهوره
زي ما بتحاسب الناس
لازم تدفع الفاتوره
و ما ربك بغافل
و كله هياخد دوره
يوم القيامه فيه ميزان
و أعمال العباد منشوره
اللي ستر عبد في الدنيا
هيلاقي أعمالك مستوره
(((أسامه جديانه)))
ليست هناك تعليقات:
إرسال تعليق