.....بدون عقارب .....

 .....بدون عقارب .....

ساعه فاضيه بدون عقارب

زي شط ما شافش قارب

هيا تبقا الدنيا دنيا

لو نعيشها بدون حبايب

.....

ساعه فاضيه وفيها وحده

والسكوت على صرخه واحده

والأفكار رايحه و جايه

والزمن في النفس حارب

.....

ساعه غاليه بمينا فضه

و الزمن جواها صدى

والشروط منقوشه خضه

والفراق من روحنا شارب

.....

ساعه فيها شروط ومينا

توصف الدقه الحزينه

كل ثانيه تعدي فينا

توصف الحزن اللي دايب

.....

وأما ساعة الحظ عدت

جت لحد عندي جلت

شالت فرحي وفيه ماخلت

فيه ماكنش ليا نايب

.....محمد إبراهيم درويش....

عرض الرؤى

معدل وصول المنشور: ٢٨

أعجبني

تعليق

إرسال