//////+++ لكريدي +++//////
لحمل ثقال وزاد مطارق
هاراحتي ياسيادي حارق
ومعايا كالظل ممفارق
شاد فيا شدة ف الظلمة
ظالمني زايدني غمة
وعلى كثافي عرف الولفة
كلمرة زايدني ثلفة
جرفتني نارو ماتطفى
خلاني وحدي ف الحركة
كل يوم راميني ف الشبكة
ينفع لاكن مغير السكة
عند شهر داير لي حطة
وقتو مضبوط وانا ف ورطة
ومخليني وحدي ف الزلطة
وعرفني صعيف صابني الداسر
احكر عليا جهدي كاسر
وانا امعاه ديما خاسر
لكريدي لفعة وزاد لغلى
في كل حاجة شلى وشلى
منو وشحال جاي هذ لبلى
فكنا من مخالبو يافكاك
مانفعنا غير زادنا توراك
لكريدي ياخويا ماينساك
حثى لغلى ماعارف اررجوع
زادنا شلى صاب هذا ضلوع
خلى لقبيلة في حر دموع
وحلف داك غاشم زادنا جوع
/////////+++ بقلم صقر الحروف الزجال بوسبولة المحجوب +++/////////
ليست هناك تعليقات:
إرسال تعليق