،،،،، حكايه حلمي،،،.........................

 ،،،،، حكايه حلمي،،،

.........................

لما طلعت معاش

ولزقت جوة البيت

زاد وكتر النقاش

ومنه انا مليت

عملتو لا معملناش

انت حكيت لا ماحكيت

نعمل لا ياريت بلاش

لما لقيت نفسي بقيت

عايش حياه اوباش

قاعد لاروحت ولاجيت

قلت لنفسي مابدهاش

لازم اخرج من البيت

،،،،،،،،،،،،،،،،،

قلت لازم أحقق حلمي

اللي ياما حلمت بيه

اييه باقي من عمري

وهما زهقوا مني ليه

قلت اخرج واتسلى

في جنينة ولاكافيه

وبعد ماغيرت توبي

قلت اجرب فيها اييه

قلت اتمشى ساعه

اشوف حلمي ادورعليه

لقيت نفسي في جنينه

وواحده بتقولي يابيه

هو انت مش فاكرني

وشكلك بقى كده ليه

من بعدت ماطلعت معاش

اتغيرت قول جرالك اييه

قلت في البيت مني زهقو

كل شيء اعلق عليه

كتر الجدال بينا ياستي

وقالولي قاعد ليه

هوا انت علشان فاضي

هاتنكد علينا ولا اييه

خرجت من بيتي بدري

كان ليا حلم بدور عليه

،،،،،،،،،،،،،،،

طب ماتقولي ليا انتي

قاعده هنا وجايه ليه

انا عارفك انتي زميلتي

لما كنت انا موظف وبيه

قالت نصيبي اني اشوفك

وهمي لك لازم احكيه

قالت طلقني جوزي

ومش عارفه اعمل اييه

الوحده صعبه وبالليل تقتلني

وحيده ماليش حد اهتم بيه

قلت وانا كده زيك

فكري قولي نعمل اييه

قالت يلا نروح لبيتي

والحل لازم هانلاقيه

واحنا ماشيين في شارع

شوفنا مكتب يافطه عليه

المأذون فلان الفلاني

طب ماتدخل فيها اييه

،،،،،،،،،،

دخلنا لقينا فيه تلاته

المأذون وإتنين معاه

قال اتفضلو هنا تعالوا

انتوا عايزين مني اييه

جواز ولاطلاق دشغلي

قلنا اللي بندور عليه

نرتاح من الوحد المميته

هو باقي في العمر اييه

المهم كتب كتاب جوازنا

والموجودين شهدوا عليه

،،،،،،،،،،،،،،،،،،

حطيت ايدي في ايدها

وعلى بيتها طلعنا عليه

دخلنا وبيتنا ليله جميله

والصبح بدري قلتها اييه

هاروح اشوفهم في البيت هناك

واجيلك وفضلك مش ناسيه

رجعت فرحان لام حلمي

قالت كنت فين وفرحان ليه

قلت لقيت وظيفه حلوه

قالت مرتبها قد اييه

قلت خيرها كتير ياستي

ماتستعجليش كده عليه

المهم الوظيفه كل ليله

والشغل لازم ابات فيه

قالت ولايهمك انت راجل

وجوزي عمري ماخاف عليه

ولقيتها اهتمت تاني بيا

والفطار والشاي عليه

وكلمه حلوه وضحكه معاها

اه لو عارفه وظيفتي اييه

المهم حققت حلمي

بالعند في ام حلمي

لأن انا كان حلمي

في يوم أحقق حلمي

بالكيد في ام حلمي

وحلمي واخوات حلمي

وهو ده كان كل حلمي

بس اناحويطي مش حلمي

رغم اني سعيد بحلمي

ياريت تتاسو بحلمي

تكون أحلامكم زي حلمي

وصيه لحلمي وأم حلمي

وحلمي واخوات حلمي

ماتزعجوش ابوحلمي

هاتندموا من كل اللي

هايعمله بجد ابو حلمي

وهي دي حكايه ابوحلمي

مع ام حلمى واخوات حلمي

===============

عرض الرؤى

معدل وصول المنشور: ٣٢

كل التفاعلات:

١ارق ملاك