/////////+++يادكالة+++/////////
يادكالة وعارفاني صغير
فوق كثاف با كطوير
وثرابك ولاف خير في خير
ما وادك يطفي عطش الغير
باش تكاد الحالة والسعد
وحنا بالشوق جايين م لبعد
والحال صافي ماكاين رعد
ووصلنا لمكان بالترحيب
وحضر لبعيد وداك لقريب
واش واش يادكالة فاكرة
من الموحال وتكوني ناكرة
وا بين الخضرة واش داكرة
ودكرتي الله ربي شاكرة
لينا وتحطات السينية
والبراد مومو عينية
والكيسان تتراقص ليا
بلعمان عارف ياك ليك وليا
دوزنا سويعات لستقبال
وارتاح داك الخاطر والبال
وتكلمو لكبار زادو قوال
وا كل يسول كيف الحال
من ضرع لبقر وشحال شربت
من لبن وسيكوك منو شبعت
خيراتك يادكالة تبرعت
ياام الناس ياك تمتعت
ياك ودعنا اهل لقبيلة
وطلبنا يشفى لعليل ولعليلة
عمرو لعنب ف ديك سليلة
دوزنا سويعات ما قليلة
شدينا طريق لشيخ مسعود
ولقينا بابو ما مسدود
سلمنا على الاهل وجدود
وصغينا لمديح من اهل جود
كانت ا زيارة وفراجة
لبخور ف سماه داير عجاجة
وشحال من خاطر ا تفاجا
ونفوس ف القبة ومن ليها جا
بقلم صقر الحروف الزجال المحجوب بوسبولة
ليست هناك تعليقات:
إرسال تعليق