أغبى زواج

 أغبى زواج

أنا يا عمي يشرفني ويسعدني إني أطلب إيد بنت حضرتك

تعمل إيه بإيدها؟

ما أقصدش المعنى الحرفي ههههه أنا أقصد أني أكمل نص ديني وكدة

وإيه علاقة إيد بنتي بنص دينك ؟

أقصد إني عايز أتجوزها

وتتجوزها ليه؟

عشان بأحبها

وبتحبها ليه؟

عشان لو لفيت الدنيا دي كلها مش هألاقي ضفرها

لا يا ابني، أنت لو لفيت الدنيا دي كلها ها تدوخ وها تفرهد وها تخلص فلوسك ومش ها تعرف تتجوز، وبعدين مين قالك إن ضفرها ضايع وبندور عليه ؟

واضح يا عمي إنك رافض الموضوع بس بترفض بطريقة شيك

موضوع إيه ؟

جوازي من سلمى

طب ما تتجوزها وأنا مالي

مش لازم حضرتك توافق ؟

مين قال لازم؟ أنا قولتلك لازم؟ هي قالتلك لازم؟

لا، بس دي الأصول عشان كدة طلبت منها أشرب معاك الشاي

طب وعجبك؟

إيه هو ؟

الشاي

ياحاج أنت راجل كبير وقد أبويا ما تخلنيش أتغابى عليك

وأنا مش هأجوز بنتي لعيل قليل الأدب زيك مش بيحترم إل أكبر منه

أنا آسف يا عمي

على إيه يابني؟

تصدق إني راجل حمار إني فكرت أتجوز

وأنا مش هأجوز بنتي لحمار زيك، واتفضل من غير مطرود

يخرج العريس وعلى وجهه أعتى علامات الغضب لتدخل سلمى دامعة لوالدها وترتمي في حضنه وتقول له :

كنت عارفة إنه ما يستاهلنيش

يا حبيبتي ده ما استحملش خمس دقايق هيستحمل نكدك طول العمر إزاي؟

زي منا استحملت نكد أمك وأنا عارفك إنتي طالعه لأمك ، هو فاكر بنات الناس لعبة وللا إيه؟

حقيقي يا بابا انت عملة نادرة، ياريت كل الرجالة زيك

جيلاني أنور

عرض الرؤى

معدل وصول المنشور: ٣٤

كل التفاعلات:

١١