( إحمد ربك )
ليه ياناس الهم راكبنا
وليل ونهار الغم ماسكنا
والحال دايماً مش عاجبنا
وناسيين نعم المولي علينا
إحمد ربك تعيش مستور
وقناعتك دايماً تخليك ميسور
بس إرضي دايماً بالمقسوم
هتلاقي عنك الهم يزول
ليه علي حالك دايما تتألم
وفي نعم الله ما بتتأمل
ودايما علي طول مهموم
وحاسس انك دايماً مظلوم
والله ياناس إحنا في نعمه
وربنا يكفينا شر النقمه
ويدوم فضله بس علينا
ده كُتر الهم يِهِدّْ مايبني
والحزن ما بيغير مكتوب
بس نرضي بالمقسوم
ولو حسيت إنك مظلوم
حقك عند ربك معلوم
ومهما جرينا جري وحوش
غير رزقنا عمرنا مانحوش
الحكايه مش لقمه طريه
ياما ناس معاها فلوس
ونفسها تاكل طعميه
بس تعيش في راحة بال
خلوا الأمل في الله موجود
الخير ح يبقي ماله حدود
خواطر ( اشرف الدغيدي )
حقوق الملكية محفوظه
ليست هناك تعليقات:
إرسال تعليق