عندما يكون الصراع من أجل السلطة ولا أهمية للشعب السوداني ومن أجل كراسي الحكم والطغيان والتبعية لجهات خارجية أكتبها بصرخة رفض و آه يا سودان
بتاريخ 20/4/2023
(وآه يا سودان )
بقلم الشاعر المصري أحمد إبراهيم النجار
إهداء للشعب السوداني من شاعر مصري
عللّي باعك واللي خان
واللي حارق يوم خضَارك
واللي ناهش من ثمارك
واللي قابض بالدينار
واللي طبّع بالدولار
واللى سارق ف المناجم
واللى شارب م المرار
آه يا شعب السودان
إللى عايش بين نيران
بين حواري وبين شوارع
والشروخ ماليا الجدار
واللي عايش مر يومه
واللي صارخ يوم بجوعه
واللي طالع من هدومه
واللي عازف ع الجيتار
واللي راقص ع الدمار
واللي بايع فى ضميره
واللي عايش ليل بويله
من دوي الإنفجار
آه يا سلة الغذاء
فين حبوبك والخضار؟
مين بيرسم فى ملامحك
مين بيقتل يوم فى قمحك
مين معطّش فيكِ أرضك
آه يا سمره م الغيلان
اللي باعوا بالدينار
والدراهم والدولار
وصراع السلطه بينهم
إيه يكون معنى إنتصار
واللي حارق توب ربيعك
نفسه هو الشيطان
ألف رحمة ونور يا طيبة
فى قلوب المسلمين
ألف رحمة ع الضمير
واللي بايع واللى خان
واللي سارق قوت قليل
من إيدين الشقيانين
واللي قاتل فى النهار
حتى شهر الصوم مالوش
أي معنى واعتبار
آه يا جرحي إللي نازف
آه يا وادي النيل يا غارق
ويه صرخة الصغار
حرب سلطة
واللي ظاهر إنقسام
واللي كاسب بن يمين
ويه أشباه الرجال
كفو إيدكم ع السودان
كفو إيدكم ع السودان
وآه يا سودان عللّي باعك
واللّي خان
واللي باع القدس
هو إللي طبّع للشيطان
بالدراهم والدولار
وآه يا سودان
بقلم الشاعر المصري أحمد إبراهيم النجار
ليست هناك تعليقات:
إرسال تعليق