بسهر الليل

 بسهر الليل

كلمات الشاعر محمد عبد العزيز رمضان

بسهر الليل وانت نايم

يا حبيبي أنا قلبي هايم

والدموع غطت عنيا

ببعت الشوق والنسايم

مهما تبعد مش هسيبك

بكرا ترجع أه هجيبك

راح هكون عمرك نصيبك

والله يا أغلى الحبايب

من زمان مشتاق يا غالي

نفسي تعرف إيه جرالي

أنت جيت غيرت حالي

ليه بعدت وعني غايب

قصة مكتوبة بدموعي

وبإيديك طفيت شموعي

صعب تاني أقبل رجوعي

وفي عنيك مشتاق ودايب

قلت ياما أنا مش هفارق

ليه عليك ما بقتشي فارق

ليه نسيت كل اللي بنَّا

سبتني وقلت إني سايب

مهما قالوا كتير لاموني

مش هبيع روحي بظنوني

أنت أجمل حاجة عندي

أنت نور قلبي وعيوني

أه بحبك دي الحقيقة

ضحكتك حلوة ورقيقه

خدت قلبي وف دقيقه

غاروا مني بيحسدوني

كان ما بنَّا أجمل حكاية

نجمه مرسومة في سمايا

بس كانت دي النهاية

قدروا منك يحرموني

كنت بتملى ف جمالك

ضحكتك روحك دلالك

بس كان مالي ومالك

عيونك أنت بيخطفوني

عرض الرؤى

معدل وصول المنشور: ٢

كل التفاعلات:

١ارق ملاك