/////////++لخروف++/////////

 /////////++لخروف++/////////

وا ما كنت هكذا اموالف

وا من دابا وانا تالف

نحسب لخروف ولسان داوي

والسوق حامي بالنار شاوي

والماء وقف ليا ف ركابي

عدروني يا عز حبابي

ليام بوجه اجديد ظاهرة

والجيب صابتو حمة قاهرة

ماكانت عدنا في هذ بال

وتغير علينا هذا الحال

رمضان خلى جيبي جيعان

جف وتحصر مزيان مزيان

ونهزو لكفوف للعالي

وفضلو ينزل غيث حالي

تتغير لوجوه ننساهم

نلقاو عند ربي دواهم

مانتسلف مانهز اكريدي

باري ياخد سيدي بيدي

بقلم صقر الحروف الزجال المحجوب بوسبولة

عرض الرؤى

معدل وصول المنشور: ١٠

كل التفاعلات:

١ارق ملاك