السبت، 22 أبريل 2023

إنعاش ، في معاش **************

 إنعاش ، في معاش

**************
الام خلاص سكتها معاش
علي سن ما عادش يجود إنعاش
و الاب اهو بيسوي معاشه
ويطالب الدولة ب إنعاشه
علشان دي مكافئة ، سخيفة
و معاشه والله ،دا ، ما يسواش
طب نعمل إيه ، في الخير جرا ، إيه
ماهو ، شايف حالنا سعادة البيه
لينا ، البفتة ، و ليهم ، سواريه
و ح نزعل ليه علي حظ ، ما جاش
عيشنا و شوفنا ، قاسية ظروفنا
و تَعبنا كتير ضرب كفوفنا
و حصيلة عيشنا ، و تكتيفنا
العمر أهو ، راح ، بيضيع ببلاش
شبكنا أيدينا في بعضينا
قررنا زيارة ، لاهالينا
و رجعنا عشان ، قُصر أيدينا
ما طالتش زيارة ، ف شئ منحاش
اهالينا يا ناس محتاجة ، حاجة
بِصلة ،ارحام ،، من غير ، حاجة
ماهي دية الحاجة الحواجة
اللي في قلوبنا ، لازم تتعاش
قولنا ،ح تتغير ، أحوالنا
و صُعبنا كتير أوي علي حالنا
نستني نهار، يطول ،، ليلنا
و نلاقي الشمس علينا تنحاش
ما احنا الأصناف السقيفة
بنشاهد ، الناس ،، الحريفة
ملايين و احنا مافيش تعريفة
في عيون الناس اللي ما تسواش
*******************
شعر / ياسر عبد الحميد
******************
قد تكون صورة ‏شخصين‏
كل التفاعلات:
Elmasry Alshaer

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...