أجمل تهنئة جاءت لي في العيد بقلمي: د /نجوى رسلان

 أجمل تهنئة جاءت لي في العيد

بجد سعيدة بيكم جداً

حبايب قلبي

محمود رامي منصور

ريان رامي منصور

أول مرة أحس إن كلماتي لها نغم حلو بجد بشكركم من قلبي

( لو سألوني عن دمياط )

لمّا جدي في يوم ندهلي

لجل مايعرفني أهلي

قالي يا ابني خلّي بالك

من جدودك من كلامك

لمّا حد عليك ينادي

قوله من دمياط ميلادي

فيها جدي وجد جدي

والشهامة فينا عادي

منها عالم فيها شاعر

صدق شعره فينا نادي

فيها كام قاص وأديب

منها كام حكيم طبيب

وزير وخطط للجديدة

كفراوي منَّا مش غريب

في العلوم منها عالم

اسمه علّم في المعالم

مشرفة ده كان سيادة

يتحاكى بيها الزمن

في العلوم ليه الريادة

بس عمره كان تمن

في الإذاعة لينا باع

بيه بلدنا صيتها ذاع

قالوا شوشة في الأدب

صيته واصل للسحب

في اللغة شاف الجمال

وفي بحور الشعر جَال

حبه ليها كان سبب

اسمه يعلى في الكتب

فيها صقر مهما قلت عنه جُور

اسمه واصل للجبال للبحور

مدكور لبلده كان ولد

تاريخ ما يكفيه سطور

ارفع ياابني فيها راسك

وافتخر دول هم ناسك

والحكاية لسّه فيها

كتير جدور

كل بيت كل شطر

يعلى بينا ألف دور

عندنا الست يا ولدي

ليها في الميدان مكان

بَص ليّ وقام مشاور

بنت شاطئ قدروها من زمان

أما عن الناس الغلابة

اللّي كتير فينا منهم

طيبة بتسلم طيابة

/إوع يا ابني يوم تلومهم

عم رجب عم عيد

هم أصل كل عيد

حلويات بلدنا يا ابني

صيتها سمّع للصعيد

والنجارة والشطارة

عندنا فيها المهارة

راس البر فيها مينا

كلنا تجمعنا إيد

كل سكة كل شارع

راح تلاقي ألف بارع

فيها فكر فيها نور

بس انت حافظ عل البذور

ولمّا حد عليك ينادي

قوله من دمياط ميلادي

بقلمي: د /نجوى رسلان

#ساعات_بنوحشنا

عرض الرؤى

معدل وصول المنشور: ٨

كل التفاعلات:

١فهدالصحراء الجرئ