***. إحتويني ***
للشاعر /صابر الشناوي
في عز الليل البارد جدا
رغم حريق النار القايد
جوا ضلوع البنت الساكنه
صرخه شوق بحلاوه روح
بين شفايفها سحر
بيصرخ أنا مدبوح
وبداري دمى السايل
جوا ملامحي بقلم الروج
كل ما أقرب منهم أسمع
صوت جواها ينده إبعد
وجوا نداها عين بدمع
بصرخه شوق لأ قرب أكتر
ونور في جبينها
صحي جناين الورد
الطارح على عناقيده
في ورد خدودها
عمره ما يدبل مهما يكبر
أما عيونها جد بتسحر
تخدك جوا عالمها
الغامض فيه تتحير
تلقاك رغم غرابه الموقف
جواك رغبه تعشق أكتر
أماحلاوه العشق ف روحها
رغم دلالها الزايد جدا
بردو تملي يخليك تصبر
نبره صوتها كلحن كمنجه
أما العود ولا شجر المانجه
لمسه إيدها مع تنهيدها
حاجه تحير تعشقهاد أكتر
غصب عنك تطلب منها
تقطف حب كريز شفايفها
طعم السكر ويمكن أكتر
صبي وزيدي وإملي وريدي
مشتاق إن اضمك أكتر
فكي خيوط الليل
الساكن جوا. مشاعرك
سيبي إحساسك يكتب
احلى قصايد العشق فشعرك
إفردي جسمك زي ما تفردي
تحت الميه دجدايل شعرك
خلي إنوثتك فيكي تتحكم
وارمي هموم الكون
ورا ضهرك
رغم الليل البارد جدا
ليست هناك تعليقات:
إرسال تعليق