( يـآ غنــوة حـب )

 ( يـآ غنــوة حـب )

حبيبي عاهدني علي الحب والوفا

ونسيت أحزان ليالي الهجر والجفا

وبقيت انسانه جديده وعمري إللي فات اتنسي

وابتدا وياك عمري الحقيقي

ولما شوفتك

حسيت بحبك بيزيد جوايا يآحبيبي

والدنيا احلوت في عنيا لما عرفت انك نصيبي

حبيتك الحب كله وحبك خلآني أسعد إنسانه

يآ أجمل حب فرحني بيه زماني. وكنت ليه من سنين عطشانه

إنت ايه يآحبيبي قوللي

إنسان من بين البشر

ولاَّ ملآك بعتهولي ربي

گان حبك أمل وأماني

وعدني بيه ربي وجاني

جاني وهناني هنا لآشافه ولاإتهني بيه حبيب تاني

يآحب وغرام السنين

إيه تاني اتمناه

أكتر من اللي أنا فيه

يآاجمل إسم نَبّْضْ له قلبي وإتغني بيه

ياللي خليت حياتي ودنيتي في عنيا فرحه مابتفارق لحظه قلبي

وضحكه مرسومه علي شفايفي تمللِّي

يآحب وطيبه وحنيه.

وليالي جميله هنيه

افديك بروحي وعمري وبرضوا عليك شويه

ياغنوة حب مليانه حب وغرام وأشوآق

يتغنوا بيها الحبايب والعشاق

خطفت قلبي وعقلي

وليل ونهار انا ليك باشتاق

خد مني روحي الهيمانه بيك

وخليني تايهه وأنا بين ايديك

ملكت احاسيسي ومشاعري ومش خساره فيك

اوعي تفارق حضني ثواني وبقربك خليني

وإرويني بعطف حنانك وبغرامك هنيني

والحلم الجميل أنا عايشه فيه طول ماانت ويايا

مين متهني قدى وانت يآحبيبي معايا

دي سنين عمري بتعدي ويا حبيبي ثواني

من حلاوة حبك وطيبة قلبك وودك ووصالك لهوايا

الحنان كله شيفاه في عيونك

والحب كله هو اسمك

ومن حنية قلبك

محتاره أنا وقلبي في رقتك وطبعك

ومن كتر حبي وخوفي عليك وانشغالي

إتمنيت اعيش عمري الف عمر علشانك معايا يآغالي

ومهما طالت سنين عمري مش هقدر أوفيك

الله علي حبك الله عليه

عالم تاني وشايفاه في عنيك

خواطر ( أشرف الدغيدي )

حقوق الملكيه محفوظه

عرض الرؤى

معدل وصول المنشور: ٢٧

كل التفاعلات:

٢ارق ملاك وAshraf Eldghedy