( المسحراتي )كلمات/صبري حسين
(13)
مسحراتي
انا المسحراتي
معاكم ليلاتي
اسمعكم وتسمعوتي
مسحراتي
بتكلم باللي في قلبي
كلامي دافعه حبي
يارب ما تزعلوش مني
كلامنا اليوم
عن صلة الأرحام
مش قادر افهم
ازاي طول النهار قرأة في القران
وطول الليل صلاة وقيام
واحنا قاطعين الارحام
لا الاخ بيسأل عن اخوه
ولا الابن بيود أبوه
مفيش حد بيسأل عن خال ولاعم
راح فين الدم
ده الأهل هم اللي بيشلوا معانا الهم
صلة الأرحام
أمر من الرحمن
سبحانه قال
خلقت الرحم واشتقيت اسمها من اسمي
من وصلها وصلته
ومن قطعها قطعته
احنا كلنا أمل بالتمسك بحبال الله
يا اهل العقول
عليكم بصلة الأرحام
اسألوا عن الاب والام
افتح قلبك قبل بابك
لكل اعمامك واخوالك
اسأل عن اختك واخوك
دول هم الباقين لك
انت منهم وهم منك
ليه تبعد عنهم
خلي حبل الود موصول
شاركهم في الطرح قبل الفرح
كلام مش محتاج توضيح ولا شرح
تعالوا نرمم اي شرخ
مفيش اخ يستغني عن اخوه
ولا ابن يقدر يعيش بعيد عن حضن أمه وأبوه
قالوا زمان اهلك يا تهلك
الواحد فينا لو انصاب من غير ما يدري
بيقول. أخ
تعالوا ننسي اللي فات
نقول احنا اولاد النهاردة
لازم نرجع تاني المحبة
نعيش في ألفة
يد الاخ في يد اخوه
نروح تخبط علي الباب
هتلاقي كل ترحاب
الحب بيقابله حب
يا اهلي يا اصحابي
صلة الأرحام في رضا الرحمن الرحيم
عايزين نرجع تاني للصواب
نفتح القلوب قبل الابواب
نشيل فوق رأسنا الام والاب
نقابل كل الأقارب
بود وحب
عايزين نعيش الحب
بالحب ننول رضا الرب
يا مسلمين يا موحدين
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق