بص لابوك واقعد
حداه حبتين
وأتملي منه ومن
ملامحه
وهو لوحده هيفهمك
الرجوله والجدعنه
وبص لابوك وشوف
عنيه
هتشوف فيها الكلام
من غير حتي ما يكلمك
حنيه يابني مالهاش حدود
من أيام الجد والجدود
في قلبه عايشه ومتاصله
وياما عليك ياما شقي
وسهر الليالي وكان
خايف عليك
من حتي لدغه ناموسه
سهران للفجر ينشها
ولف البلاد بطولها
و عرضها
وياما نام في الغربه
من غير سرير ولاغطي
عشان يشوفك نجم
عالي في السما
وعشان كده لازم
اقولك
اياك لما يكبر تيجي
يوم تكسره وتزعله
وتقوله كلمه تجرحه
ده هو الجدار وهو السند
ويوم مماته اترجم عليه
وقوله يابا وحشتني
دا انا من غيرك ضهري
انكسر
وراح مني حتي
البصر
وراح مني حتي
البصر
****
بقلم شاعر الغلابه
د/حسن نبيه خضير
جمهوريه مصر العربيه
ليست هناك تعليقات:
إرسال تعليق