قصيدة / كيد النسا
عامية مصرية
بقلمي
أشرف محمد السيد
&
&
&
&
&
&
&
*كيد النسا مدرسة...فيها الفصول ألوان
تسقيك غرام عشقها.. وترجعك عطشان ☆
*شكمان وقالوا إتخرم.. بس الجوان غالي
صوته يجيب هسهسة..ع الواطي والعالي
أهلاً بكيد النسا............. خاطر على بالي ☆
*الحُرمة من طبعها.. تعشق فطار الصوم
غيبة ونميمة ونكد.... معجون بخل وتوم
وإن جيت تفضفض لهازى الوحوش بتزوم
*علشان تنول ودها.......ذاكر طباع نسوان
إياك تقول سرها.......... داوم على الكتمان
إحذر يا واد مكرها..وإمشي على العنوان ☆
*قُصر الكلام إحفظوا.. عايش مع النسوان
تكرها هتحبها............. ع الفاضى والمليان
حاول تنول ودها..... وإياك تكون شرقان ☆
*فى رجال تكيد كالنسا..والطبع واطى غريب
أصفر ، دموع ، سهوكة.. والإسم عيد وحبيب
ياكل معاك لقمتك.. ويحلي بالمشاريب ☆
*يا ما فى الحريم مدرسة.. ف الذِكر كيدها عظيم
راجل وزارع شنب.........والطبع طبع حريم
دنيا وفيها العجب.... ربك كريم وحليم ☆
*إياك تسيب حبلها.. مرخي ومش مشدود
وإياك تعيش ع الغلط.. أصل الغلط مردود
بالعقل والهندسة.. حازم ، شريف و ودود☆
البنت لو عشقتك.. تاخدك على الهادي
وبعد ما تكلبشك........... لازم لها تهادي
وإن جيت تقول كلمتك..قالت عليك سادي
الدمعة من سحرها...والهزة والتحابيش
تسحب فلوسك رزم.. وتزن ع البقشيش
تكرة تشوف سحنتك..لو مَرة قُلت معيش
إياك تعيش بالهوى.. راضى ، ضعيف ، مغلوب
بنت الأصول تحفظك.. فيها الجمال مكتوب
شارب رماه الزمن.. حَول وراح مشروب ☆
كيد النسا غِلب ...... مغلوب وكان غالب
الدنيا ساعة رضا... موجب وعاش سالب
بكتب ف كيد النسا.. مطلوب وانا الطالب☆
_______________________________
بقلمي/ أشرف محمد السيد
ليست هناك تعليقات:
إرسال تعليق