==== عبور تاني ====

 ==== عبور تاني ====

معاكي ف الحلم

مش هنسيبك

لحد ما نعلا ونكمل

وبلدنا تبقى فوق الكل

ولازم نعمل ولا نهمل

مصر منا محتاجة

سواعد الكل إيد واحدة

على حبك ياأم الكل

يامصر ياحته من قلبي

ربيع جايلك بورد وفل

معاكي في الحلم

مش هنسيبك ...

أملنا فيكي يتجدد

بإذن الله بكره

يكون أحلى

ونصون العهد ونجدد

على حبك ....

وشمس النور

عليكي تطل

معاكي في الحلم

مش هنسيبك

ونكمل مشوار

رجال كانوا

معانا امبارح

واقفين حراس

ونشيد بلادي

صدى صوته

جوه قلوبنا يتجدد

نموت فدا أرضك

علشان تعيشي

والكل يتمنى

فيكي يستشهد ...

فاكرين ومش ناسيين

رجال كانوا

في شهر الصوم

عبروا بعزيمة

وجابوا النصر

والله أكبر

بكل قوة تتردد

عايزين عبور تاني

والكل من أجله

يتوحد

بقلمي

صلاح شعبان الفيداوي

القاهرة

١/٤/٢٠٢٣

عرض الرؤى

معدل وصول المنشور: ٦

كل التفاعلات:

١ارق ملاك