( المسحراتي )كلمات/صبري حسين ( 29 )

 ( المسحراتي )كلمات/صبري حسين

( 29 )

مسحراتي

انا المسحراتي

في بداية كلامي

بقدم اعتذاري

عن غيابي أمس عنكم

ده غياب كان غصب عني

الحمد لله بسرعة رجعت تاني

ارجوكم أقبلوا اعتذاري

يا اهلي يا اصحابي

يا كل احبابي

اهو خلص الشهر الكريم

كل سنة وانتم طيبين

ربنا يتقبل منا ومنكم الصيام والقيام

اللهم تقبل صالح الاعمال

عدت الايام

يوم ورا يوم

لسه من كام يوم

كنا بنقول اهلا رمضان

خلص رمضان

بكره العيد

ربنا يجعله عليكم وعلينا سعيد

بعودة الايام

كل سنة وانتم طيبين

لكل الخير فاعلين

دايما مع بعض متجمعين

كلمة عايز اقولها

العيد اجمل فرصة

لمد حبال المحبة

عايزين نعيش الفرحة

نجمع كل الأسرة

نسلم كلنا علي بعض

ناخد بعض بالحضن

نفتح لبعض القلوب

نتقاسم مع بعض الحب

يا اهلي يا اصحابي

يا كل احبابي

الحب هو الباقي

العيد جعله الرحمن

فرحة للعباد

افرحوا يا احباب

دقوا علي بعض الأبواب

علي بعض سلموا

علي الكل عيدوا

لصلاة العيد اتجمعوا

علي الاطفال عيدوا

من قلوبكم. افرحوا

ل ربكم كبروا. وهللوا

لكل نعمه اشكروا

لعطاباها احمدوا

يا كل اهلي واصحابي

يا كل احبابي

مرت بسرعة الايام

عدي رمضان كأنه حلم من الاحلام

ارفعوا أكف الدعاء الرحمين الرحيم

يبلغنا وإياكم رمضان سنوات عديدة

يا كل اهلي واصحابي

يا كل احبابي

يا اعز اصدقائي

اتمني تقبلوا أسفي واعتذاري

عن اي تقصير مني

ارجوكم سامحوني

شكرا من قلبي

انكم طول الشهر استحملتوني

بس وآلله يا كل احبابي

اي كلمة كتبتها كتبتها من قلبي

كتبتها بدافع حبي

يا اهلي يا احبابي

يا كل اصحابي

قبل ما انهي كلامي

لازم كلنا نقدم كل شكر

مصحوب بالعرفان والامتنان

لكل زوجة ولكل ام ولكل اخت

لكل النساء والبنات الفضليات

علي تعبهم طول الشهر الكريم

كلنا معترفين ومقدرين مجهودهم العظيم

ربنا يجازبهم كل الخير

ويبارك في صحتهم وأعمارهم اجمعين

ويفضلوا دايما لبيوتهم منورين

في اخر كلامي

بدعو لكم اجمعين

ربنا يبارك فيكم اجمعين

يا مسلمين يا موحدين

يا كل العرب اجمعين

كل عام وانتم طيبين

عيد سعيد عليكم اجمعين

كل عام. وانتم طيبين

صبري حسين

عرض الرؤى

معدل وصول المنشور: ٩

كل التفاعلات:

١ارق ملاك