( المسحراتي)كلمات/صبري حسين
( 25)
مسحراتي
انا المسحراتي
معاكم ليلاتي
بالحمد والثناء علي رب العالمين
والصلاة والسلام على خاتم الانبياء والمرسلين
عليه وعلي أهله وصحبه اجمعين
يا اهلي يا اصحابي
ياكل احبابي
قرب ينتهي شهر الخير
شهر الرحمة والغفران
شهر القران
في الشهر الفضيل
يزداد فعل الخير
مصارف الخير كتيرة
اجملها اطعام الطعام
الكل يتسابق في عمل الوجبات
وجبات متكلفة آلاف الجنيهات
لكن للاسف الشديد
في سوء توزيع
اغلبها يستفيد منها الطماع
من كل مكان يجمع
ياخد حقه وحق غيره
عمره ما جه في تفكيره
أنه في ناس عندهم عفة
عمر أيديهم ما تطلب اللقمة
فقراء صحيح لكنهم اغني الاغنياء
ربنا رزقهم القناعة والحياء
بطمعك يا طماع
بتحرمهم من الطعام
ليه تاخد اكتر. من حقك
خد اللي يكفيك
سيب فرصة لغيرك
تجري شمال ويمين
تجمع من كل مكان
كانه. اخر. زاد
ياليت بالوجبات بتستفاد
لا بتفتحها تاخد اللحمة
وبطول ايدك ترمي العلبة
بكل الخيرات اللي فيها
انت عارف اد ايه
الناس تعبت في عملها
تجهيز وتغليف
ايد تساعد ايد
علشان توصل لحضرتك
تيجي بطمعك
ترمي النعمة في الزبالة
مش خايف تزول من وشك
حرام عليك
خاف ربك
في كتير. غيرك
مش لاقي اللقمة
يا اهلي يا اصحابي
يا كل احبابي
عايزين نوصل الوجبة
للي يستحقها
نتعب شوية
نتحري. وندقق
عايزين الخير يعم الكل
ابحثوا عن الناس العفيفة
الناس اللي بجد مستحقين
الناس اللي بالقليل راضين
دايما لله حامدين
جعانين اوشبعانين
خلوا بالكم من الطماعبن
انتم علي أموالكم مسؤولين
لازم تتاكدوا. انها بتوصل للمستحقين
ربنا يزيدكم من فعل الخيرات
ويتقبل منكم الطاعات
ويزيدكم من الحسنات
يا مسلمين يا موحدين
كل عام وانتم طيبين
رمضان كريم
صبري حسين
ليست هناك تعليقات:
إرسال تعليق