( المسحراتي)كلمات/صبري حسين
(14)
مسحراتي
انا المسحراتي
معاكم ليلاتي
بحبكم من كل قلبي
نبدأ الكلام
بالصلاة والسلام
علي خير. الانام
عليه الصلاة وأتم السلام
كلامنا اليوم
علي لمة العيلة
اللي بقت مستحيلة
حتي لو اجتمعنا بالاجساد
لكن القلوب والعقول مشتتة
المسافات بنها بعيدة
كلنا قاعدين علي سفرةواحدة
بنتقاسم مع بعض اللقمة
يادوب نخلص الاكل
كل واحد.ياخد ركن
راشق عينه في تليفونه
الكل مشغول باللي في أيده
ماتت لغة الحوار
مع اننا قريبن من بعض في الجوار
لكن الكل مشغول بتليفونه
مفيش حد حاسس بحد
ابص بعيني
الاقي الكل مشغول
مفيش كلام بين الاخوات
الصمت سايد المكان
لمة من غير فايدة
مفيش اجتماع غير وقت اللقمة
افتكر. أحوالنا زمان
كنا بنستني شهر رمضان
علشان الكل يتجمع أهل وجيران
وبعد صلاة العشاء والقيام
نتجمع ويبدأ الكلام
نتكلم في السياسة
في الفن والرياضة
كوبايات الشاي والقهوة
الوشوش منورها الابتسامة
الكل راضي عنده قناعة
السمر والضحك ممتد لغايت السحور
نتسحر وعلي المسجد نصلي الفجر
ايه اللي غير الاحوال
التليفونات اكلت العقول
الواحد يفضل بالساعات
يتنقل بين البرامج والفيديوهات
مفصول كل الانفصال
علي اللي حواليه
كل اللي شاغله تليفونه
ممكن يقضي عليه اغلب يومه
الوقت بس للتليفون
لكن مفيش وقت لزيارة الأهل أو الجيران
بقينا مش بنتجمع اللي في المناسبات
تجمع بس بالاجساد
منين جبنا كل ده الجمود
مشاعرنا في حالة جمود
يا ايها الكرام
فوقوا. قبل فوات الاوان
رجعوا. الحب والحنان
تبادلوا الكلام
زينوا. وجوهكم بالابتسام
قال عليه الصلاة والسلام
تبسمك في وجه أخيك صدقة
تعالوا يا احبابي يا اصحابي
نرجع من تاني اللمة
وحشتنا لمة العيلة
وحشتنا خروجات الشلة
فين تجمعاتنا علي القهوة
لما كانت الضحكة طالعة من القلب
ايام ماكنا نعرف الحب
اقفلوا. التليفونات شوية
استمتعوا بتجمع العيلة
رجعوا. تجمع الشلة
محتاجين نحس بالدفء والحنان
عايزين نرجع ايام زمان
اياك تقول كان زمان
الزمان هو الزمان
اللي اتغير الإنسان
يا مسلمين يا موحدين
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق