بنت حلال

 بنت حلال

عايز بنت حلال

و تكون متربية

علامها يكون ف الدين

مش ورقة مرمية

تعوضني اللي خانت

تنسيني إللى هانت

عليها العشرة والأيام

ترجع لي حياتي

تداوي لي اهاتي

وارتاح من الالام

مش مهم ايه شكلها

ولا مهم ايه سنها

بس المهم ف قلبها

الاقي حب وحنان

تبقى بتخاف ربها

تبقى صادقة ف حبها

وابقى اموت لو سيبتها

ولا ليا غيرها مكان

عايز بنت حلال

محتاج بنت الاصول

إللي تحافظ عليا

مهما بعدي يطول

ومش هغيب عنها

ولا اخاف منها

تبقى اماني ومكاني

أفرح تفرح معايا

امشي تسند خطايا

احزن تزعل عشاني

عايز بنت حلال

ماتكونش عبدة مال

ولا بتحب الشمال

ولا بتحب الخاينين

عايز عوضي الحلال

رقة وعفة ودلال

يارب ليك السؤال

هلاقيها إمتى وفين

كل التفاعلات:

١١