غرغرت جوايا دمعة
حضنتها
قالت أمايا
دنيا من غيرها وجعة
زمان كانت معايا
تملاني بالأمان
لا كنت أخاف لبكرة
و حزني كان جبان
فاكر يا اما زمان
فاكر كل الحكاوي
بصوت يطوي المكان
الكل كان يداري
ألمه في نور عنيك
يفرح وانت تداوي
بلمسة من إيديك
سامع لصوت دعاك
يااما مش ناسيك
تمسح ألم الليالي
شمس طلتها فيك
سلام يا عمري كله
رايح واللي جاي
نغمة إسمك يا أمي
بعده العزف ناي
أمي
لي عندك عتاب
طال ليه الغياب؟
غبتي عني حبة
ماشفتك في المنام
طلي علي طلة
ضمني بس ضمة
وارمي علي السلام
ليست هناك تعليقات:
إرسال تعليق