عمرك ده محسوب بالأيام
متبيعش جنة بتمانين عام
خليك حكيم بص لقدام
يا صاحبي دارك في الجنة
*****
مفيهاش لا فُرقة ولا غياب
دي هدية من عند الوهاب
يا صاحبي دارك في الجنة
*****
يوم القيامة سداد حسابات
عليك فلوس تدفع حسنات
يوم المظالم فيه ظلمات
يا صاحبي دارك في الجنة
*****
ليه ترضي يومها تكون مذعور
واقف وعرقك يملا بحور
و في ظل عرشه ضيوف في سرور
يا صاحبي دارك في الجنة
*****
للجنة المولي دَعاك
ترضي بغيرها ده يبقي هلاك
املي يكونلي نصيب في دُعاك
وابقي جارك في الجنة
بقلمي
عماد عبدالغني
ليست هناك تعليقات:
إرسال تعليق