( المسحراتي )كلمات/صبري حسين
(
مسحراتي
انا المسحراتي
بدق طبلي
اصحوا يا احبابي
في السحور بركة
ادعو العفو الغفور
يجعل ايامنا نور
ويرزقنا الهنا والسرور
كلامنا اليوم علي البر
ومفيش حد أحق من والديك بالبر
بر الوالدين مش تفضل منك
ده أمر من ربك
وصانا في القران
لازم نعاملهم بإحسان
ونطيعهم في كل شئ الا الشرك بالله
نتعامل معهم برحمة
دي أوامر. رب العزة
وصايا نبي الرحمة
بر والديك طريقك للجنة
ازاي قلبك يطاوعك
ترمي ابوك وامك
علشان الست زوجتك
هو انت قلبك حجر
خلي بالك من أفعالك
كلها مردودة لك
انت وبتزعق في وش والديك
ركز شوية في وجه أولادك
كله حاجة بتتخزن في عقولهم
مهما يمر الزمن عمر المنظر مايروح من بالهم
هيفضل محفور في ذكراتهم
هيجي اليوم اللي يعملوا فيك
ما فعلته في والديك
طبعا ما انت قدوتهم
اصحي لنفسك واحسن لوالديك
مافيش حد هيخاف عليك
اكتر من ابوك وامك
طول عمرهم شايلين همك
بيعملوا المستحيل في سبيل سعادتك
حاملين همك
حتي لما تكبر ويكون لك بيتك
يفضلوا حاملين همك وهم اولادك
الاب والام عايزين أولادهم
احسن منهم
مستعدين يضحوا بعمرهم
لاجل راحة أولادهم
احسن لوالديك
اولادك يحسنوا اليك
اياكم و غضبهم
غضبهم من غضب الله
واللي يغضب عليه الله
بفضل طول عمره في حيرة
الحاجة الكتيرة
في أيده قليلة
أحسنوا وبروا لولدايكم
في حياتهم وبعد مماتهم
قل ربي ارحمهما
كما ربياني صغيرا
يا مسلمين يا موحدين
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق