خطاويهم
مرات نزهى و خاطري يطاوعني
و مرات نتكدّر لا نحدّثك و لا تسمعني
مرات بحروف الشعر يحفل خطّي
و مرات حتى الكلام يهجر شطّي
مرات نفرح بيهم
و مرات نقول شبيها مخالفا خطاويهم
بعد المودة شبيهم
لا قدّروا لا ثبّتوا فأوراق بين يديهم
نا بحكمتي معدّيهم
نكتب كلام الحق حتّى عليهم
تو نرجعوا نقروها
سيرة شاعر عالسارق
عمل فيهم شوها
هوما ما طاقوها
و قالوا خطاباتك
ما عاد بي نبثّوها
هادي بالي
عارف مقامي
و سطوتي و أقوالي
كي النسر وكري عالي
ما نردّهاش لتالي
و حتى الموت شايفها
في ترحالي
بعد العزّ و الصولات
ديقا ... ديقا
تمشي لأجلك
تربط مواثيقا
تمشي لأجلك غافل
في الشعر ترسم
و عن خطاهم جافل
هوما يحبّوا السافل
أنت مغذّي الروح
بإسمك حافل
إفهم زيد
فمّا لي نجما ساطع
و كل يوم جديد
فمّا لحرفا يفيد
ثمّا لسارق حروفا
من قاموس بعيد
اِفرز زيد
الحرف حرفي
النجم نجمي
ما نخلّطا بصديد
اِفهم بابا
نجمي عليكم ساطع
و الزرع ديما صابا
و كتبت للخطّابا
كان من واجبكم
تبعدوا المجرابا
نوصف فيهم
كي نجمك يبدا مغطيهم
و لتالي تبدا مخلّيهم
كي تبدا تمشي محاذيهم
لا تصوحبهم
لا تعاديهم
كي يسدّوا فوجهك لبواب
و يردّوا عليك الأصحاب
و يقولولك رانا حباب
و هوما كذّابة و كذّاب
كي يعلى صوتك يتفجعوا
أنت تمشي هوما رجعوا
ترتاح و هوما يتوجعوا
عالزور يموتوا لا هجعوا
كلامك حق و غصّوا بيه
يساند في السارق تي شبيه
هيا راهي تلعب بيه
من لول تقصد تاذيه
كي كرهني نعرف وعلاش
قتلا السارق ما نطيقاش
قالي خلّي نزيد فلاش
محلا طعما ها المشماش
عندي عويّم نهمز فيه
كاتبلا رسالة و تنبيه
في سمعا عندا تشويه
خليتا و ما ندمت عليه
برنامجكم
جيل كامل يجيكم يوم
تو يسهلكم
لاش تصدّوا النظيف
و تمرّروا الخنار
ياخي بلاد كفار
خطوط عريضة
مذبذبا
زلزال
و قول الحق
فيها فريضة
إذاعات تساند في الغشاش
و تزيد في تحريضا
الهاشمي البلعزي
في
27/03/2023
ليست هناك تعليقات:
إرسال تعليق