** هو ده**
هو ده الحب الحقيقي
اللى ساكن جوه القلوب
حب امك وحب ابوك
وحب اخوتك وحب اخوك
وحب عيلتك وحب جارك
وخلى بلدك تملى فى قلبك
واحميها بروحك ودمك
ووعى حد يبعدها عنك
واضحك فى وشى
حتى لو كنت ماشى حزين
دا بكره تحلى وبكره احلى
بس نصفى بينا النفوس
واللى استجارك اجبر بخاطره
واياك تزله ولا تهينوش
لا الزله قاسيه
وبتجرح قلوب
واياك تعاتب واحد خسيس
وخليه بناره جوه داره
ويتحرق قلبه عليه
واللى يحبك حبه بجد
وخليه تملى هو الصديق
وان كان فى محنه
خده فى حضنك وأمسح بايدك دموع عنيه
وهو ده الحب الحقيقى
ايوه ده الحب الحقيقى
ايو ده
***
بقلم شاعر الغلابه د /حسن نبيه خضير
ليست هناك تعليقات:
إرسال تعليق