صباح زي كل صباح

 صباح زي كل صباح

نتمني يخلا من الجراح

ونحس فيه بالأفراح

يللا نفرح يللا نسرح

حد ضامن ييجي بكرة

خلُّوا الفرحة تبقي فكرة

صدقوها افهموها

يمكن بكرة تبقي ذكري

لو مفيش مثّلوها اصنعوها

المهم البسمة تبقي، ع الشفايف

المهم إن قلبك مايبقي، خايف

خدنا إيه من الأحزان غير العلل

خدنا إيه من قلة فرحة غير ملل

احنا اللي فينا كل نقص والخلل

عاملين دوشة عاملين صياح

اهو صباح

زي كل مرة بييجي صباح

د. هشام سليم

شاعر الحرافيش

عرض الرؤى

معدل وصول المنشور: ١١

كل التفاعلات:

٢أحمد الدوس وارق ملاك