( المسحراتي)كلمات/صبري حسين

 ( المسحراتي)كلمات/صبري حسين

(10)

مسحراتي

انا المسحراتي

معاكم يومياتي

ابدا كلامي

احمد واشكر ربي

واصلي علي طه الهادي

يا اعز اصدقائي

يا اهلي يا جيراني

كلامي معاكم

مجرد تذكير

من باب فذكر فإن الذكري تنفع المؤمنين

بمناسبة انتا في شهر رمضان

شهر القران

شهر الصيام والقيام

معاكم يحلو الكلام

وكلامي النهاردة

موجه لأولادي وبناتي

يا ابني يا حبيبي

مقدر. تعبك وصبرك

لغايت ما حققت هدفك

وبنيت بيتك

واخيرا اجتمعت إنت وحبيتك

تحت سقف واحد

عايز اهمس في أذنك

مش معني أن حبيبتك بقت زوجتك

تبطل. الاهتمام

وتنسي حلو الكلام

يا ابني يا حبيبي

اكتر مايسعد المرأة الاهتمام

هي مش عايزة منك غير. الحب والاحترام

اياك الحياة تاخدك

وتبقي زوجتك اخر. اهتماماتك

لازم تخصص لها من وقتك

دايما اشعرها بالاهتمام

عيشها الحب والغرام

خليك دايما فارس الاحلام

يا ابني اعقل الكلام

اللي يقتل الحب الاهمال

وانت يا بنتي يا حبيبتي

مش معني أنه بقي جوزك

تطمئني وتهملي في بيتك وفي نفسك

اوعي تقابليه وانت لوية بوزك

عايز دايما الابتسامة منورة وشك

الفرحة واضحة علي كل ملامحك

يا بت دلعي جوزك

دايما حسسيه أنه سندك

نظمي وقتك

بلاش تفتكري اعمال البيت

وقت رجوعه من الشغل

بلاش تخليه يشوفك بنفس الطقم

قابلي الاهتمام باهتمام

دايما سمعيه اجمل كلام

اكرر واقول نظمي الوقت

اعرفي امتي تطلبي الطلبات

يا بنتي يا حبيبتي

جوزك طول اليوم تعبان

راجع بيته زهقان

قابليه بكل حنان

استني. يرتاح من المشوار

بعد ما تقدمي له الطعام

ابدئي في كلام الحب والغرام

وفي وسط حلو الكلام

احكي له عن الأحوال

نصيحة يا بنتي

اسمعي اكتر ما تتكلمي

وصيه بصلة الأرحام

اسئلي عن أحواله في شغله

خففي عليه تعبه

اسمعيه بكل اهتمام

يا ابني يا بنتي

الجواز مش نهاية المشوار

الجواز بدايه حياة مشتركة

ابدوأ حياتكم بالتفاهم

دايما. راعوا. المشاعر

خلوا بينكم دايما حوار

علشان البيت يفضل سعيد

خلوا كل يوم في جديد

خلوا الحب دايما في ازدياد

إياكم تقفوا لبعض علي الوحدة

دايما افتكروا الزواج ده مشاركة

يوم في دمعه فصاده ايام كلها فرحة

يارب تكون وصلت لكم الفكرة

ربنا يجعل كل ايامكم فرح وسعادة

اخر كلامي يا اولادي

الاهتمام الاهتمام

بألا هتمام والاحترام

تعيشوا حياتكم في فرح ووئام

لكم من تحية وسلام

عليكم السلام

يا مسلمين يا موحدين

كل سنة وانتم طيبين

رمضان كريم

عرض الرؤى

معدل وصول المنشور: ٢٣

كل التفاعلات:

١ارق ملاك