حبيبى ليه حكمك قاسى
وانا اخدتك سند ليا
وكنت لى اهلى وناسى
مين اللى قساك عليا
قالو لى خليكى فى حالك
هاييجى يوم يبعد عنك
وانا اللى كنت بقيالك
فكرت فيا بسوء ظنك
من بعد ايه ترجع تانى
تيجى وتقولى سامحيني
انت فى حكمك كنت انانى
ياخسارة ده كان على عينى
طب روح للى بعدك عنى
وانت صدقت كلامهم
راجع تانى ليه تسال عنى
ماسمعت غير كتر ملامحهم
طب قولى ايه اللى كسبته
من بعد هجر وغدر وحيرة
ماهو كل ده انت عملته
بظنك فيه ودى كبيرة
انا عمرى ابدا ماهسامحك
على اللى عملته انت معايا
وفاكرنى دالوقت هصالحك
وانك تكمل ويايا
انسى خلاص وانا نسيتك
ماعدش بينا اى كلام
ياخسارة اللى مابينا ياريتك
تندم واقولك الف سلام
راوية حسن
ليست هناك تعليقات:
إرسال تعليق