زمن القلوب الصافيه
........
إحنا الل كنا فى زمن
قرص الطعمية بقرش
إحنا اللي كنا نغمس
إحنا أكلنا السمنة
من قبل ما تتغش
وياما شفنا الزبادي
وهى عليها الوش
وشفنا أبيض وأسود
قبل اختراع الدش
وبعد نص الليل
سمعنا الاذاعة توش
ونمنا على الحصيرة
وكانت احلى فرش
عاصرنا المبة الجاز
وتحت السرير بنخش
وهباب الوابور الجاز
حش أمهاتنا حش
والأم ماسكة الفوطة
وعلى الوشوش بتنش
عشنا الزمان الحلو
أخلاقنا طازة فرش
الخدش
واحنا اللي عشنا الحب
مش كل يوم بوش
وكنا نقوم للكبير
لما علينا يخش
وكان المدرس قدوة
ضربنا من غيرخدش
زمن القلوب الصافيه
اللى ما عرفت غش
........
سمير الهوارى
ليست هناك تعليقات:
إرسال تعليق