* * * يمكن * * *
للشاعر /صابر الشناوي
يمكن أنا الكداب علشان
عشق معاليك
ويمكن أكون . نصاب
علشان معرفتش مره
أوصف مشاعري بجد
وشوقي ليك
وجايز أنا المجنون
علشان عاقل. وبتحمل
عناد قلبك وسحر عنيك
وأنا المحتار عشان
بتوه . أكتر في إحساسي
لما تغيب وقلقي عليك
وأنا بسهر في عز الليل
وأقول يمكن تحس مره
وتفكر تمد . إديك
وأنا. بردو. كل. دول وأكتر
علشان حبي كل يوم. يكبر
ولا قدرتش أخبي. عليك
وأنا. إللي تملي. متعشم
في أملي. تسقي. قلبي
من. شهدك
ويسعدني. حنان قربك
لكن أتاريك
كتير آسي ويمكن
بردو تكون. ناسي
باب القلب مفتوحلك
ينادي. عليك
لكن دايما. ولا بتسمع
وأقول بكره راح. ترجع
ويعود. ليا. شبابي بيك
وأنا. بحلم. وبتمنى
وأقول يمكن قلبي يتهنى
وتسقيني الحنان بإديك
ليست هناك تعليقات:
إرسال تعليق