اقول لمين يامه

 اقول لمين يامه

في عيدك يامه

أعيد على مين وأقول أمي لمين يامه

وأمي ماتت من سنين

لا عمرها اشتكت ولا صدر منها أنين

ولاكان في تكنولوچيا ولامساعدين

م الفجر تصحىٰ تصلي فرضها

تسبح وترفع ايديها للسما تدعي ربها

بالبركه والستر لبيتها واهلها

عمرها ماقالت لأه ولا سمعت منها الأه

بالقليل عاشت شاكره حامده ربها

ليل ونهار البسمه عمرها مافارقت وشها

ربتني كبرتني في حضنها

ياما سهرت تداوي تطبب تشيل وتعلم

أحلى يوم في عمرها لما تخدني ف حضنها

وياعيني عليها لما اتعب واتألم

لاتاكل ولاتشرب وعيونها بالدموع تتكلم

إيدها بالخير ممدوده ودي عادتها المعهوده

وياااه على كلامها واسم الله دايما على لسانها

وطريقها خطواته على طول للخير معهوده

دي أمي وحياتها وسنين عمرها المعدوده

وف يوم عيدك يامه بادعيلك بالرحمه والجنه

ابراهيم محمد آدم

عرض الرؤى

معدل وصول المنشور: ٣٤

كل التفاعلات:

١ارق ملاك