أغنية ( الكون بيلف )

 أغنية

( الكون بيلف )

الكون بيلف بيكي وبيا

جوه حشايا كرة أرضية

الكون كله لف دواير

لف الدايرة دايرن داير

جوه الدايرة بقينا عشاير

وإتجمعنا عيلة في مية

الكون بيلف بيكي وبيا

إنت كبرتي صبحتي الأم

بس إرتحتي جوه الدم

لسه أميرتي حضن يضم

لساكي حبيبة ضي عنيا

الكون بيلف بيكى وبيا

عيالك صاحبوا فيا الروح

وولادي إتعبوا منك بوح

كانت قصة آلام وجروح

سابت لينا؟ نص الأمنية

الكون بيلف بيكي وبيا

جوه حشايا كرة أرضية

كلمات

حربي علي

شاعرالسويس

عرض الرؤى

معدل وصول المنشور: ١٦

كل التفاعلات:

١ارق ملاك