الفراق
عبدالمنعم عدلى... مصر
راحوا الحبايب وفاتونا
وتركوا لينا الحمل
وشيلنا الحمل
وثقل الحمل علينا
وراح الولد كمان
وضاقت الدنيا بينا
وماسبونا لوحدينا
ولفوا وحاموا حوالينا
وأرواحهم دا ئما حوالينا
تواسى الهموم ويانا
وآاه والف آاه ياهو
ليه الدنيا قاسية علينا
وكأن مافيش حد
فيها الا إحنا فيها
وآاه منك ياليل
على عتمة ليالينا
قاسية يادنيا علينا
وإحنا ال شلنا
الهم وحدينا
وإبكى ياعين
على الخدود
وسيل ياقلب دمائك
بين الضلوع
وما فى حد
شايف ال
جرى لينا
وكأنك يادنيا
أسدلت ستائر
الحزن علينا
وكبرنا وطالت ليالينا
وإحنا لسه صغار
وإنحنى الظهر
وشاب الشعر
من كثرة الحزن علينا
لما راحوا
الحبايب وفاتونا
بقلمى عبدالمنعم عدلى
ليست هناك تعليقات:
إرسال تعليق