لما شوفتك
أحمد صبري
٠
لما شوفتك اتشديت
وكأني عارفك من زمان
نظرة من عينك حنيت
وابتديت اشوف كمان
الحياه فيها ناس حلوين
عندهم احساس وذوق
لو يشوفهم حد حزين
حاله يتبدل ويروق
لما شوفتك شوفت فيك
الربيع قبل الاوان
حد طيب حد شيك
صوته دا مليان حنان
من كلامك من غناك
قلبي انا مابقاش معايا
اصله سابني راح معاك
هي دي كل الحكاية
لما شوفتك قلبي دق
رغم وجعه رغم خوفه
قلبي قال لي اقول الحق
كل يوم عايز اشوفه
نفسي تبقى جنب مني
انسى بيك كل اللي فاتو
لما تفرح لما تغني
عقلي ينسى ذكرياتو
لما شوفتك ف الخيال
طلعت اجمل ف الحقيقة
شوفت فيك كل الجمال
وردة ليها عيون بريئة
ليه انام وأنا لسه شايف
ف الحياه أجمل ملاك
روحي رايحة ع الشفايف
نفسي أعيش عمري معاك
ليست هناك تعليقات:
إرسال تعليق