اصحاا يا نايم
العمر يوم ورا يوم
بيجري وبيعدي
رهوان بيسابق الريح
واحنا في غفله ونوم
لا بنصحي ولا بندري
حلم الإله غرنا
والغي بيردي
يا خوفي م الطوفان
إن حل إيه يجدي
........................
نصدق الأيام
لو هي ضحكالنا
ونظنها افراح
هتدوم لنا وتدي
وتغرنا الأجال
وشباب بيتعافا
وننسي بكره حساب
والكل هيأدي
علي الصراط هنسير
تسبقنا أعمالنا
والشاطر اللي حسب
لليوم ده ويعدي
الدنيا لينا مرور
ومحطه للآخره
نحي التلاهي
وأي اللعب كن جدي
انسي التفاخر
وحب النفس والزينه
القبر راصدك
وبكره النعش هيودي
.............................
لا سألنا روحنا في يوم
إيه أخره الغفله
ولا بكره إيه هيكون
في نهايه الرحله
القبر لنا مفتوح
مستني للدخله
ومساءله الملكان
ويحددوا البوصله
ومنين نلاقي جواب
يصحبنا للآخره
وقت الميزان ما يقوم
وتنصب الحفله
مشينا عكس السير
رغم الشارات قافله
ونسينا شرع الله
الفرض والناقله
.........................
غرتنا نفس حارون
أماره أو جاهله
مشتتا درب السوء
وغرقنا في الوحله
وانكالب الشيطان
ع الشارده.. والسهله
واتسرسبت الأعمار
وياريتها مستهله
لا الأمس لك هيعود
أو ينتظر مهله
وأصبح سفر بلا زاد
ولا حاجه للمخله
في خيام بلا أوتاد
وفراشها متآكله
مات الأمل في مراد
ترجع بنا الرحله
...........................
هتقول لربك إيه
حتي إن ما كانشي حساب
ولا فيه صراط وميزان
ولا فيه جحيم وعذاب
مهتستحيش م اللقا
ومنين تلاقي جواب
هتقول لربك إيه
بعد الأمل ما خاب
ياما إدعيت الهدي
وقلت أنا الأواب
وانا المشوق لحبيبي
وفتح لك الأبواب
ساق لك جميع النعم
واحترت في الأسباب
لا شكرت له نعمته
ولا م الذنوب تواب
سعيت لسوء مقصدك
وارتحت لما خاب؟
ياللي نويت ع السفر
إمتي تعود لصواب
أحـــمــــد مـــحـــمـــود عــــوض ســعــيــد
الـرحـامـنـه ـ فـارســكـــور ـ دمــــيـــــاط
ليست هناك تعليقات:
إرسال تعليق