((( أبويا )))

 ((( أبويا )))

أبويا كان طيب بسيط

قضاها دغري ولايعرف لخبيط

تمللي مسامح وسند الضعيف

شقيان وعايش ف قلب الغيط

*********

يصحي الفجريه ويقضي الفرض

ويذكر الله باسط الأرض

عاش ع القد ولايعرف قرض

والبال رايق زي الزيت

*********

نصحني اوعاك تتعدي الحدود

ومع الأهل خليك ودود

وآخرتها الجته ياكلها الدود

المهم الذكري والتقوي ف البيت

*********

وأوعاك والأذيه والنفس أماره

تجور ع الضعيف وتعملها شطاره

وتاخد الناصيه وتقفل الحاره

جاهد النفس وخليك حويط

*********

لله تمللي عليك فروض

إقضيها ف وقتها وبلاش وعود

يا عالم يمكن بالموت موعود

متلحقس واخبط راسك ف الحيط

***********

وملامح أبويا نفس ملامحي

الطول والعرض والبشره قمحي

والجينات نفس الجينات وتوفي

والطيب ف زماننا قالوا غويط

*********

قضينا أيامنا بحلاوة الصفا

وتحت جناحاته يا محلي الدفا

ومهما وصفت احقق الوفا

يا أبويا مش عايزه وسيط

*********

ميت ألف رحمه ونور

يا سابق الخير بمليون دور

يا تقوي محاوطانا بألف سور

أبويا كان طيب بسيط

*********

الشاعر محمد علي فرغلى احمد

معلم خبير بمدرسة أبوتيج الصناعيه العسكريه بنين

عرض الرؤى

معدل وصول المنشور: ١٢٩

كل التفاعلات:

٤ارق ملاك، واحمد حمدي وشخصان آخران