بشعر العامية المصرية
من ديوان الحناوي
( اسمك محفور جوايا )
من يوم ما وعيت عالدنيا
و طيفك ساكن جوايا
غير إنك تبقى معايا
أنا طفله عقلي بيكبر
ما اعرفش غير التنطيط
والكل شايفني بعبر
عن عبله وعن بلقيس
طفله لكن مش لخمه
فاهمه حركات إبليس
دارسه المشكله والأزمه
وعارفه امور التسييس
حركاتها شعلة َنار
وجريئه ف كل ظروف
و بتاخد أي قرار
من غير ما يكون فيه خوف
راسها مليانه أساطير
وحكاوي مأثره فيها
بتحب تساعد الغير
واللي ف إيدها مش ليها
ِاختارت تبقى أساسي
في حياتي من غير إذن
وكتبت لها ف كراسي
أتا قلبي زي السجن
ذهنها حاضر وتناقش
تحس إنها في الجامعه
والعلم ف عقلها عايش
لو قاريه فيه أو سامعه
الطفل المصري حريص
على إنه يشرف مصر
والطفله لما تقيس
قدراتها تحس بفخر
طفله بتقول للغالي
إسمك محفور جوايا
انت اللي ف عقلي وبالي
دايمََا مرفوع الرايا
---------------------
بقلم د / عبد الرحمن فتحي الحناوي.
من مصر.
الجمعة ١٠ من مارس ( آذار ) سنة ٢٠٢٣
ليست هناك تعليقات:
إرسال تعليق