ودا وجاب
_________
الهوا فارش مطارح
قلبي ودا وعقلي سارح
مهما قولنا مش كفاية
دي الحكاية والرواية
إن نبض القلب بيه
يا كلام ليك يوم هتخلص
ع اللي حبك نادي وإخلص
وإرسم البسمة بعنيه
اللي شاري نحبه خالص
واللي بايع وقته ضايع
واللي رايح لن يعود
طب ليه بقا نمني بوعود
قالوا عنا حاجات كتير
شالوا منا صبح ليل
حتى ضهرية وعصاري
والسمر تحت البدور
كنا بنعلق نجوم
كنا بنزق الغيوم
كنا بنهاتي بروحنا
كنا بنسابق هموم
كنا بنعد الساعات
كنا نحكي ع اللي فات
يا زمن عدا وفات
بس طبع الخير يدوم
بقلم/وافي إسماعيل الشلبي
ليست هناك تعليقات:
إرسال تعليق