محاورة تلطيف جو بالدارمي العراقي

 محاورة تلطيف جو بالدارمي العراقي

عندما رجع الحجي للبيت مجبر بحظر تجوال كارونا

……

الحجي

الكارونا…… .سوت زين جمعتي وياك

نلتف غطة وفراش ننسة الحچي ذاك

… ..

الحجية

تسمعني احچي وياك لو طرمة ذانك

خلك يحجي بعيد دوم ابمجانك

…… .

الحجي

ابسمة .. دور علية ولكيتة بالكاع

الحظر كون يطول ويهدي الوظاع

......

الحجية

شو چنك ادنيت عود انت ماين

اتريد اهز كاروك مثل الجناين

… ..

الحجي

حلالي ودنيت ابشرع الله موجود

شنهي التغير بيچ شوصارت حدود

…… ..

الحجية

ابعد… الله عليك خلنة بزعنة

والحجي كل ساع يمهة وتدنة

……

الحجي

اتعوذي الشيطان تخليني ادوحن

الحظر هذا يطول جاوين اروحن

… .

الحجية

كتلك الدنية دور يغلب بختنة

تره احنة ماعفناك انت العفتنة

.....

الحجي

العذر لله وليج مابيهة مخلص

العمر ظلة ايام يمعودة خلص

……

الحجية

جنت بنفاه اتعيش شو هسة رديت

بالگهوة ليش تنام موش انت ابو البيت

… ..

الحجي

بكارونا خاف نموت رايدلي طلبة

انسة الزعل يهواي ونطيني حبة

.......

الحجية

الك اصير فراش ماتفرش انت

اوهذا الك مرخوص خد العشكتة

… ....بقلمي

تحاتي ربي يحمينا ويحميكم اللهم امين

عرض الرؤى

معدل وصول المنشور: ١٢

١ارق ملاك