(ياأجمل ماشافت عينيا)

 (ياأجمل ماشافت عينيا)

كل نظره من عينيكِ بتشغلني ليله بيكِ

وكل كلمة حب اسهر واتعلمها علشان اقولها ليكِ

والليله ورا ليله تعدي عليا

من غير ماتغمض لحظه عينيا

وكل ليله أسهر ويا طيفك في الخيال

واستني النهار علشان أشوفك في نفس الميعاد

وتجيني أغنيلك كلام الحب اللي اتعلمته موال

واشكيلك من اشواقي وطول البعاد

ولما تودعيني بنظره وسلام افضل أفكر فيها واستني الليل علي نار

واقول لروحي ياترى حبيبتي حاسه بيا ولابتفكر فى مين

ولو بتفكر في غيري أنا هعيش لمين

وهعمل ايه في نار الشوق اللي جوايا

واقول ياريتك تفضلي معايا

وياريت نعيش سوا العمر كله

وترتاح عينيا وتنام

ويرتاح قلبي من الخوف وظلمه

وكل المواجع اللي بيا

همسه منك ترجع الأمل فيا

يا اجمل ماشافت من النساء عينيا

ياكل حاجه حلوه في حياتي بلاش تغيبي عليا وتزودي أهاتي

وتخلي السهد والضنا يعذبوا فيا

كل املي تجيني وما تفارقيني وتفضلي العمر كله حبيبه ليا

اتهني بيكِ واشوف ف عينيكِ كل الحنيه

وكفايه عليا لمسة إيديكِ لأيديا

تنسيني كل ليالي القسيه

وحشاني ومشتاق لعنيكِ

والشوق بيزيد كل ثانيه ليكِ

تعالي وارحمي حالي وغيرتي عليكِ

خواطر( اشرف الدغيدي)

حقوق النشر محفوظه

عرض الرؤى

معدل وصول المنشور: ٥٢

٤متاهة الحروف، وارق ملاك وشخصان آخران